Poliziaren larrialdietako euskal sindikatuak, ELAk eta LABek lan baldintzen okertze larria salatu nahi izan dabe, udaletxe aurrean. Elkarrizketa falta eta negoziazio esparruen gabezia daukatela jakitera eman dabe.
Santa Ageda bezperan, herriko ikastetxeetako ikasleak eta Erroxape Emakumeen taldeko Abesbatza eta Arrekatxutxa taldea koplak abesten ibili ziran kalez kale
Beste urte batez kale ezberdinetatik ibili dira busturialdeko herriko ume, gaztetxo eta nagusiak Santa Agedaren kopla ezberdinak abesten. Herriko puntu ezberdinetan geratu dira abestiak kantetan, jendearen arreta erakarriz. Otsailaren 5eko, Santa Ageda eguneko bezpera esanguratsua izan da aurten be, urtero gisa, eta goizetik ikastetxeak leku ezberdinetatik ibili dire. Gernika-Lumon bakoitza bere ikastetxetik abiatu da eta geldialdiak ein dabez, Foru Plazan, Iparragirren edo Saraspen besteak beste.
Santa Agedako koplak eta bastoien kolpeak ikusteko aukera izan dabe Bermeoko herritarrek be herritarrek. Bermeoko Herri eskolaren kalejira, herri eskolatik hasik da 11:00etan, Bermeoko Herri Eskolak antolatuta. Erroxape Abesbatzaren eta Arrekatxutxa taldearen kalejira, bariz, Musika Eskolatik hasi da, 12:00etan, Bermeoko Udalak antolatuta. Muxikan be herritarrak atera dira Asier Galarza bertsolariak egindako kopla barria abesten, Urretxindorra eskolako ikasleak auzoz auzo aritu dira, Ugarte, Gorozika, Ibarruri, Ariatza, Astelarra, Zubieta errota eta kurtzerotik pasauz.
Kirolbai programan gauz. Oraingo honetan Iker Romero ezagutu dogu, Urdaibai eskubaloi Taldeko Seniorreko entrenatzaile eta zuzendaritza batzordean lanean dabilen eskubaloi jokalari ohia.
Romerok Urdaibai Eskubaloi taldeak daben helburuak, proiektua, harrobiaren garrantzia eta kirol honen teknika ezberdinak nolakoak izaten diren azaldu dauz. Baina, batez be, Urdaibai Eskubaloi Taldeak daben talde guztiek -Benjaminetatik Seniorretara- garrantzia berdina dabela azpimarratu dau.
Bermeoko Udalaren ordezkaritza zapatuan elkartu zan herritar batek jasandako erasoaldi matxista salatzeko eta erasotzaileari zein ingurukoei laguntza osoa emateko prest daudela adierazi dabe.
Euskerari buruzko jatorria, handitasun eta z abaltasuna jakin anahi daben guztiek hitzordi bikaina izngo dabe, Bermioko Kultur Etxean, zezeilaren 5 honetan, arratsadeko 19:00etan.
Txapelketan parte hartu gura daben tabernek zezeilaren 13ko 12:00ak arte izango dabe izena emoteko aukera.Bermeoko Udalak Tabernen Mozorro Txapelketa antolatu dau hurrengo Aratuste martitzenerako, hau da, zezeilaren 17rako. Udalak Aratusteen testuinguruan eta herriko ostalaritzaren parte-hartze aktiboa sustetako helburua dauko.
Txapelketa honen bidez, Bermeoko tabernen inplikazinoa indartu gura dala esan dabe, jai giroa sendotuz eta herrigunea modu sortzailean girotuz. Igaz 14 tabernek parte hartu ebela esan dabe.Txapelketan parte hartu gura daben tabernek zezeilaren 13ra arte izango dabe izena emoteko aukera, eguerdiko 12:00ak arte. Izen-ematea Kultura eta Hezkuntza Sailaren bulegoan egin beharko da, telefonoz (94 617 91 57) edo posta elektronikoz (kultura@bermeo.eus). Izena emoteko epea amaitzen danean, udalaren sare sozialen bidez iragarriko da parte-hartzaileen zerrenda.
