Nabarmendua Archives - Oizmendi Telebista

Haziberri jaialdiaren edizino barria aukeztu dabe Gernika-Lumoko Euskal Herria Museoan

Written by Iñigo Acha on 2026-05-20. Posted in Berriak, Gaurkoan, Gernika-Lumo, Nabarmendua.

Haziberri jaialdiaren 6. edizinoa aukeztu dabe Gernika-Lumoko Euskal Herria Museoan. Holan, uztailaren 15ean Silvia Pérez Cruz, Gari eta Maldanbera eta Esanezin izango dira Gernikako Europako Herrien Parkean.

Antolakuntzatik Haziberri ez dala soilik jaialdi bat, lankidetza sare sendo baten emoitza be badala azaldu dabe. Sare horrek egiten dau posible festibala urtez urte: boluntarioak, teknikariak, alkarteak, enpresak eta erakunde ugari alkartzen dira egitasmo honen inguruan, eta hareen guztien ekarpenik barik Haziberri ez litzatekela posible izango azpimarratu dabe.

Beste alde batetik, beste urte betez, Erronka Garbia ziurtagiriagaz lan egingo dabela aitatu dabe antolatzaileek.

Jaialdiaren 6. edizinoaren aukezpen ekitaldian Leixuri Arrizabalaga Bizkaiko Foru Aldundiko Euskara, Kultura eta Kirol diputadua izan da be eta Haziberrik ingurumenarekiko dauen errespetua goraipatu dau.

Emakumeen Munduen 15. Kongresuaren hasiera Gernika-Lumon izan da

Written by Laura Valles on 2026-05-20. Posted in Berriak, Gaurkoan, Gernika-Lumo, Gizartea, Herriak, Nabarmendua.

Emakumeen Munduen 15. Kongresuaren hasiera Euskadin izan da aurten, eta Gernikan izan dau abiapuntua.
Nazinoarteko eta diziplinarteko ekitaldi honek mundu osoko arlo akademikoko eta aktibismoaren hainbat arlotako emakumeak eta gizonak biltzen dauz eta lehenengo kongresua 1981ean egin zan, Israelen, Haifako Unibertsidadean.
Aurreko edizinoa Eduardo Mondlane Unibertsidadeak hartu eban Maputon, Mozambiken, 2022an. Bertan, 2.256 personak parte hartu eben aurrez aurre, eta 831k modu birtualean jarraitu eben ekitaldia, lau kontinentetako 32 herrialdetakoak: Afrika, Amerika, Asia eta Europa.
Joan dan edizino horretan proponidu zan 2026ko Emakumeen Munduen 15. Kongresua Euskadin egitea.
Proposamen hau Gernika Gogoratuz-ek Mozambikeko emakumeen erakundakaz, tokiko eremutik bakearen eraikuntzara egiten dauen ekarpena ikusarazteko egindako lanaren ondorioz sortu da.
Edegiera ekitaldia “Astra” lantegian izan da. Bertan, iazko ekitaldiko anfitrioiek, Isabel Casimirok eta Teresa Cuñak, Gernika Gogoratuzeko Maria Ojanguren eta Maitane Zarate antolatzaileei eta Elia Malaxetxebarria Gernikatik Mundura ekimenaren koordinatzaile arduradunari emon deutsee kongresuaren lekukoa.
Kongresu honek 360 inskripzino izan dauz, eta erakunde ugariren babesa eta toki-administrazino eta euskal administrazinoko erakundeen babesa dau.

Jose Mari Gorroño alkateak Pedro Mugarra Lankidetzarako Ingeniaritza erakundeko ordezkaria hartu dau Udaletxean

Written by Iñigo Acha on 2026-05-20. Posted in Berriak, Gaurkoan, Gernika-Lumo, Gizartea, Herriak, Nabarmendua.

Jose Mari Gorroño, Gernika-Lumoko alkateak Lankidetzarako Ingeniaritza Erakundeko ordezkaria hartu dau Gernika-Lumoko Udaletxean garapenerako gobernuz kanpoko erakunde honen 30. urteurreneko ospakizunen programaren barne.
Lankidetzarako Ingeniaritza Erakundeak Hegoaldeko herrialdeetan garapena sustatzeko lan egiten dau, ingeniaritzako kolektiboaren eta ha osotzen daben beste kolektibo profesional batzuen ezagutzak eta esperientzia aprobetxatuz.
Pedro Mugarrak, erakundearen ordezkariak, eskerrak emon deutso udalari Gernikak finantzatutako proiektu guztiakaitik

Gernikako gerra-presoen ospitale militarra zarratu zaneko LXXXVI. urteurrena gogoratzeko ekintzak aurkeztu dabez

Written by Iñigo Acha on 2026-05-19. Posted in Berriak, Gaurkoan, Gernika-Lumo, Nabarmendua.

Gernikako gerra-presoen ospitale militarra zarratu zaneko 86 urte beteten dira aurton eta horregaitik Pipergorri Kultur Alkarteak maiatzaren azken asterako hiru ekitaldi berezi antolatu dauz.

– Maiatzak 27: Joseba Eceolazaren “Las Voces de La República” libururaren aurkezpena.
– Maiatzak 29: “La Bala” filmaren emanaldia
– Maiatzak 30: “269 Memoriala” omenaldia.

ESANAS BAT ESKOLARTEKO XXXVI. ANTZERKI ASTEA- Barrutia Herri Eskola- Denboraren makina

Written by Laura Valles on 2026-05-19. Posted in Gernika-Lumo, Herriak, Kulturabi, Nabarmendua.

ESANAS BAT

ESKOLARTEKO XXXVI. ANTZERKI ASTEA- Barrutia Herri Eskola-

“Denboraren makina”

Gidoia eta zuzendaria: Lorea Egurrola

“AITA MARI” erreskate ontzian Jon Garcia Andonegigaz

Written by Laura Valles on 2026-05-19. Posted in Bermeo, Berriak, Elkarrizketak, Gizartea, Herriak, Nabarmendua.

Oizmendi Telebistak Bermeon geldialdia egin dauen Itsas Salbamendu Humanitarioko Aita Mari itsasontziko boluntarioa dan Jon García Andonegigaz hitz egiteko aukera izan dogu.
Lan humanitarioa eta bertako kideen bizipenak bertatik bertara ezagutzeko aukera izan dogu.

‘Gernikaren herritik, bakea eta justizia’ manifestua sinatu dute hainbat eragilek Gernika-Lumon

Written by Iñigo Acha on 2026-05-19. Posted in Berriak, Gaurkoan, Gernika-Lumo, Nabarmendua.

Hainbat Alderdi politiko, sindikatu, herri erakunde, gobernuz kanpoko erakunde, giza eskubideen aldeko erakunde eta eragile sozialen ordezkariak bildu ziran Euskal Herria Museoan, eta Gernikaren herritik, bakea eta justizia manifestua irakurri eta sinatu dabe, gaur egungo egoeraren aurrean, erantzukizuna hartzeko konpromisoa hartuz eta genozidioa, gerra eta eskubide urraketen aurrean, eta bakearen eta justiziaren bidean, urrats kualitatiboak alkarregaz emonez.

Palestinako genozidioa eta Libanoren eta Iranen aurkako erasoak gogoan euki ebezan ekitaldian, beste gatazka batzuen zerrenda luzeari gehituz: Errusiaren Ukrainako inbasinoa, Afrikako eta Amerikako kontinenteetan etenbako desegonkortzea eta esku-hartzea, Mendebaldeko Sahararen okupazinoa, etab.

Erantzukizunez jokatzeko ordua dala aldarrikatuko dabe, atxikimendutik ekintzetara pasetako garaia dala azpimarratuz.

Zuzenean