Etiketa: Bermeo

Udalak martxan jarri dau jaietako pregoilaria aurkezteko epea

Written by Endika Becerril on 2026-08-05. Posted in Bermeo, Berriak, Gaurkoan, Herriak, Nabarmendua.

Bermeoko Udalak martxan jarri du Andra Mari eta Santa Eufemia jaietako pregoilaria aukeratzeko azken bozketa fasea. Herritarrek egindako proposamenen artean, hiru hautagai izan dira boto gehien jaso dituztenak: Alkartasuna Dantza Taldea, Bermeoko Erraldoien Konpartsa eta Garoa Martinez Anasagasti.

Orain, bermeotarrek azken hitza izango dute, eta gustukoen duten hautagaiaren alde bozkatu ahal izango dute galdetegi digitalaren bidez edo Gizarte eta Kultura Etxean jarritako hautestontzian.

Bozkatzeko epea abuztuaren 11ko 12:00etan amaituko da, eta aukeratutako pregoilariaren izena abuztuaren 12an emango du ezagutzera Bermeoko Udalak, Andra Mari eta Santa Eufemia jaien aurkezpen ofizialean.

Bermeoko Osoko Bilkura

Written by Endika Becerril on 2026-07-30. Posted in Bermeo, Berriak, Herriak, Nabarmendua, Politika, Udaletik Herrira.

Bermeoko Uztaileko Osoko Bilkura ikusgai.

BFAk eta Bermeoko Udalak Madari errekaren gaineko pasabide barria inauguratu dau

Written by Endika Becerril on 2026-07-10. Posted in Bermeo, Berriak, Bizkaia, Ekonomia, Gaurkoan, Gizartea, Herriak, Nabarmendua.

Bizkaiko Foru Aldundiak 1,12 milioi euro inbertidu ditu Next Generation funtsen bidez finantzatutako azpiegituran, irisgarritasuna hobetu eta Urdaibaiko Biosfera Erreserbako natura-ingurunea babesteko.

Bizkaiko Foru Aldundiak Madari errekaren gaineko pasabide barria inaugurau dau gaur, eta, horri esker, amaitutzat emon da Gaztelugatxe eta Bermeo kostaldetik lotzen dituan oinezkoentzako ibilbidearen zati estrategiko bat. Azpiegiturea Arantza Atutxa Bizkaiko Foru Aldundiko Ingurune Naturala eta Nekazaritza Sustatzeko diputatuak eta Nadia Nemeh Bermeoko alkateak inaugurau dabe.

Jarduketak 1,12 milioi euroko inbertsinoa izan dau, Next Generation funtsen bidez finantzauta, eta helburu bikoitza dau: oinezkoentzako konektibidadea hobetzea eta Urdaibaiko Biosfera Erreserbako balio ekologiko handiko ingurunea babestea.

Pasabide barriak 70 metroko luzerea eta bi metroko zabalerea daukaz, eta Madari errekaren gainetik ia 20 metroko altueran igaroten da. Diseinua paisaian guztiz integratzeko pentsauta dago, ingurumenaren gaineko eragina ahalik eta txikiena izan daiten.

Inaugurazinoan, Arantza Atutxa diputatuak azpimarratu dau azpiegiturak “Gaztelugatxe eta Bermeo arteko oinezkoentzako loturea nabarmen hobetzen dauela, aldi berean natura-ingurunea babestuz”. Bere esanetan, proiektuaren erronka handienetako bat izan da “ingurumen-balio handiko espazio batean guztiz integratutako pasabidea eraikitzea, Urdaibaiko ondare naturala errespetatuz”.

Atutxak gogorarazo dau Madari errekea Urdaibaiko Ibai Sarearen Kontserbazio Bereziko Eremuaren barruan dagoala, eta, horregaitik, obra guztia ingurumen-irizpide zorrotzak betez gauzatu dala. “Azpiegitura honek erakusten dau posible dala mugikortasuna eta natura babestea batera joatea”, adierazo dau.

Bestalde, Nadia Nemeh Bermeoko alkateak pozik hartu dau azpiegiturearen amaierea, eta nabarmendu dau “Bermeorentzat eta eskualdearentzat oso albiste garrantzitsua dala”. Alkatearen esanetan, pasabide barriak “herritarren eta bisitarien segurtasuna eta irisgarritasuna hobetzen ditu, eta, aldi berean, Urdaibaiko paisaia eta natura modu jasangarrian ezagutzeko aukera eskaintzen dau”.

Nemehek azpimarratu dau erakundeen arteko lankidetza funtsezkoa izan dala proiektua aurrera aterateko, eta azpiegitura barriak turismo jasangarria eta natura-ondarearen balorizazinoa indartuko dituala.

Madariko pasabide barriari esker, Bizkaiko naturgune ikusgarrienetako baten oinezkoentzako ibilbidea osatu egin da, erabiltzaileei Gaztelugatxe eta Bermeo arteko kostaldea modu seguruagoan eta erosoagoan zeharkatzeko aukera eskainiz, betiere Urdaibaiko Biosfera Erreserbako balio ekologikoak errespetatuz.

Alkartasuna Dantza Taldeak zapatuko emanaldi berezia aurkeztu dau 50. urteurrena harira

Written by Laura Valles on 2026-07-07. Posted in Bermeo, Berriak, Gaurkoan, Herriak, Kultura, Nabarmendua.

Alkartasuna Dantza Taldeak zapatuko emanaldi berezia aurkeztu dau 50. urteurrenaren harira
* Taldeko lehengo eta gaur egungo dantzariak batuko dira zapatuan, 21:00etan, Frontoian egingo dan dantzaldian.
Alkartasuna Dantza Taldeak prentsaurrekoa eskaini dau gaur, aurten ospatzen ari dan 50. urteurrenaren barruan antolatutako ekitaldi bereziaren xehetasunak aurkezteko.
Taldeko arduradunek azaldu dabenez, urteurreneko hitzordu nagusietako bat izango da datorren zapatuan, 21:00etan, Frontoian egingo dan dantzaldia.
Ekitaldiak taldearen historia, belaunaldien arteko hartu-emona eta herriko kultur ondarearen alde egindako lana izango ditu ardatz
Bermeoko zinegotzia dan Endika Etxebarria Telleriak herritarrak gonbidatu ditu zapatuan Frontoira hurbiltzera, urteurren ospakizun berezi horregaz bat egin eta Alkartasuna Dantza Taldearen 50 urteko ibilbidea ospatzeko.

Gaizka San Pedrok azaldu dau ekitaldi hau berezia dala eta urtien zehar hanbat ekitaldi prestau dauzela, Bizkaiko, eta busturialdeko dantzaldiak ein dabezala azpimarratuz ,baina oingo ekitaldia garrantzitsuena dala aitatuz.
130 edo 140 lagun alkartuko direla esan dau eta ekitaldi potente bat egin nahi dabe eta herrialde guztietatik etorriko direla esan daud. Gainera, urteurrena ospatzen air diren Bermeoko Erraldoi taldeari eta abesbatzari eskerrak eman die, sorpresak egongo direla aitatuz. Azaldu dabeznez, 50.urteurreneko egingo dabez eta ekitaldi polita izango dala esan dau. Bukatzeko, hau posible ein daben guztiei eskerrak emanez .

JAZZBER 2026 – Frame

Written by Laura Valles on 2026-07-07. Posted in Kultura, Kulturabi, Nabarmendua.

Bermeo jazzaren topagune bihurtuko da, berriro ere, uztailaren 1etik 3ra bitartean, Jazzber jaialdiaren edizio berriari esker. Bermeoko Udalak eta Jizz Jazz Kultur Taldeak elkarlanean antolatutako ekimenak kalitatezko jazzaren aldeko konpromisoa sendotuko du, eta hiru kontzertu eskainiko ditu Bermeoko Kafe Antzokian, 20:30ean, sarrera doan dela.

Jaialdiak generoaren aniztasuna eta gaur egungo joerak erakutsiko ditu, Euskal Herriko zein nazioarteko musikarien proposamenekin. Jazzberrek, urteetan zehar, erreferentziazko hitzordua izatea lortu du eskualdean, eta aurten ere musikazaleei esperientzia aberatsa eta kalitate artistiko handikoa eskaintzeko prest dator.

Jazzber jaialdiaren helburua da jazz musika herritarrengana hurbiltzea, zaletasuna eta ezagutza sustatzea, eta genero horretako joera berriak ezagutaraztea.

Egitaraua honakoa izango da:

Uztailak 2: Frame

Frame, 2025ean Bolonian sortutako jazz laukotea da. Taldekideek Boloniako Kontserbatorioan egin zuten lehen topaketa, eta ordutik aurrera agerian geratu ziren elkarren arteko kidetasun musikal eta emozionalak.

Taldearen proposamenak entzulea soinu-paisaia berrietara eroatea du helburu, non inprobisazioa, soinua eta elkarreragina diren oinarrizko elementuak. Jatorrizko konposizioen bidez, jazzaren tradizioari eusten diote, baina aldi berean musika modernoekin lotura berriak eta bestelako adierazpideak esploratzen dituzte.

Framek soul-jazza eta free-a, groove-a eta hard bop-a uztartzen ditu, dinamika erritmiko handiko eta aberastasun harmonikoko proposamen sortzaile eta indartsua osatuz.

Bermeoko emakumeen memoria bizia kalean da jada

Written by Endika Becerril on 2026-07-01. Posted in Bermeo, Berriak, Gaurkoan, Gizartea, Herriak, Nabarmendua.

Bermeok badu jada bere emakumeen memoria bizia kalean ikusgai. Joan den barikuan aurkeztu zen proiektua, eta ordutik, Alde Zaharreko bost gunetan jarritako argazkien bidez, herriko emakumeen bizipenak eta oroitzapenak ezagutzeko aukera dute herritarrek.

Ibilbideak Bermeoko historiaren zati bat berreskuratzen du, baina oraingoan emakume protagonisten begiradatik. Haien testigantzek eguneroko bizitza, lana, familia, ohiturak eta herriaren bilakaera kontatzen dituzte, memoria kolektiboa osatuz.

Proiektuan parte hartu duten emakumeek azpimarratu dute urte luzez isilean geratu diren istorioei ahotsa emateko balio izan diela ekimenak. Haien esanetan, bizipen pertsonalak partekatzeak herriaren historia osatzen laguntzen du, eta belaunaldi berriek iragana gertutik ezagutzeko aukera eskaintzen du.

Ibilbidea osatzeko, ‘Urdin Urdiñe’ ikus-entzunezkoa ere prestatu dute. Bertan, emakume protagonisten ahotsak eta testigantzak jaso dituzte, memoria hori zuzenean haien hitzetatik ezagutzeko.

Antolatzaileen esanetan, helburua argia da: Bermeoko historia emakumeen ekarpenetik ere kontatzea, eta herriaren memoria kolektiboa ikuspegi zabalago eta inklusiboago batetik eraikitzen jarraitzea.

Berton Azoka

Written by Laura Valles on 2026-06-29. Posted in Azokatik azokara, Bermeo, Herriak, Nabarmendua.

Bi egunez, herriko komertzioek kalera atera dabez euren produktu eta zerbitzuak, eskaintza bereziak, erakustaldiak eta publiko guztiarentzako jarduerak eskainiz. Gastrogunea, txikigunea eta hainbat ekintza be izan dira azokaren osogarri, giro aparta sortuz.

Erreportaje honetan, Berton Azokako protagonistak eta antolatzaileak hurbildu jakuz azokaren benetako esanahia azaltzera. Hareen esanetan, ekimenaren helburu nagusia Bermeoko merkataritza indartzea eta herritarrak tokiko establezimentuetan erostearen garrantziaz sentsibilizatzea da.

Parte-hartzaileek azpimarratu dabe Bermeoko komertzioek kalidadezko eskaintza zabala dabela, eta Berton Azoka aukera parebakoa dala urte osoan egiten daben lana herritarrei gerturatzeko eta bezeroekin harreman zuzena sendotzeko.

Antolatzaileek be nabarmendu dabe azoka ez dala salmenta gune hutsa. Herria biziberritzeko, tokiko ekonomia sustetako eta merkatarien arteko alkarlana indartzeko tresna be bada. Horregaitik, Bermeorentzat hain garrantzitsua dan hitzordua dala azpimarratu dabe, bertako merkataritzari balioa emoten deutsolako eta herrian sortzen dan aberastasuna bertan gera dedin laguntzen dauelako.

Bi egunetan zehar, herritar eta bisitari ugari hurbildu dira azokara, eta giro bikainak erakutsi dau Berton Azoka erreferente bihurtu dala Bermeoko egutegian. Antolatzaileen balorazinoa oso positiboa izan da, eta dagoeneko hurrengo edizinoari begira lanean hasteko gogoz agertu dira.

Zuzenean