Urria kultur eskaintza zabalagaz dator Gernika-Lumora. Hilabete osoan zehar, antzerkia, kontzertuak, bertso saioak eta zinema proposamenak izango dira herrian, publiko eta adin ezberdinei zuzendutako egitarauagaz.
Hilabeteko lehen hitzordua urriaren 2an izango da, Lizeo Antzokian. 20:00etan, El amor que permanece (Ástin sem eftir er) filma eskainiko da, Hlynur Pálmason zuzendariarena. Sarrera 6 eurokoa izango da.
Antzerkiak protagonismo berezia izango dau urrian. Urriaren 10ean, 19:00etan, Jon Ander Urestiren Kolapsoa antzezlana izango da Lizeo Antzokian. Sarrerak 13 eurotan (10 euro murriztua) eskuratu daitekez.
Musikearen txanda urriaren 17an izango da. 19:00etan, Ruper Ordorika & Mugalarik kontzertua eskainiko dabe Lizeo Antzokian. Sarrerak 13 euro (10 euro murriztua) balioko dau.
Familientzako eskaintzari dagokionez, urriaren 18an, 12:30ean, Marie de Jongh konpainiaren Kimu antzezlana izango da Lizeo Antzokian. Sarrera 6 eurokoa da, eta prezio murriztua 4,50 eurokoa.
Bertsoak be izango dau bere tartea hileko egitarauan. Urriaren 23an, 17:30ean, Udal Liburutegian Gora liburutegiak! Bertso saioa egingo da, doan, baina aurretik izena emon behar da liburutegian. Urriaren 25ean, barriz, 18:00etan, Auzo Tabernan Astelehen bezperako bertso saioa izango da, Lilibertsoren eskutik.
Azkenik, zinema zaleek urriaren 16an beste hitzordu bat izango dabe: 20:00etan, Vivir la tierra (Sheng xi zhi di) filma eskainiko da Lizeo Antzokian. Sarrera 6 eurokoa izango da.
Horrela, urriko kultur programazioak diziplina eta publiko ezberdinak batzen ditu, eta herritarrei hilabete osoan zehar kulturaz gozatzeko aukera ugari eskaintzen deutsoz.
