Urtarrilaren 31 honetan Zornotzatik Bermeora bitarteko bederatzi herritako 13 eskola publikotako guraso elkarteak Danon Eskola Publikoa izeneko sarea eta logoaren aurkezpen ekitaldia eingo dabe, Ekoetxean. Eskola publikoarentzat urrats historikoa izango da hau.
Gautegiz Arteagako Udalak adierai dauenez, Matrikulazio epearen zabalpenari ekin deutse urte honetarako. Apuntatzeko egunak otsailaren 2tik 13ra izango dira eta ate irekiak eskaintzen dabezala jakinarazi dabe.
Urtarrilaren 22 honetatik hasita otsailaren 1era arratsadeko 19:00etatik 21:00etara Nestor Basterretxea Aretoak bere ateak ireki dauz. Inaugurazio ekitaldian Solabarrieta Musikari bermeotar honen 4 abesti jo dauz Kankikabara Txistu Taldeak.
Demiku Auzoko Bizilagunak eta Bermeoko Udalak elkarlanean, 2026ko Kandelaria Jaiak antolatu dabez Demiku auzoan. Jaiak hauek otsailaren 2an eta 8an ospatuko dirala zehaztu dabe, eta egitarauak kultur jarduerak, umeentzako ekintzak eta tostada txapelketa uztartuko dabezla. Horrez gain adierazi dabe ahizko tostada txapelketa ez dala faltako.
Gernika-Lumon egindako Bizkaiko Batzar Nagusietako osoko bilkuran EH Bildu taldeak egin dauen itunean, Elixabete Etxanobek, Ahaldun Nagusiak, iragarri dauenez, 2023an Trantsizino Ekologikorako eta Erronka Demografikorako Ministerioagaz sinatutako hitzarmenean erreserbautako 40 milioi euroak aprobetxau ahal izateko ingurumen eta garapen jasangarriko ekimenen zerrenda bat sortuko dala esan dabe.
Gernika-Lumon hain ospetsua dan inauterietako ostiral mehe esanguratsua izango da aurten. Oraingoan Stranger Things edo 80.hamarkadako mozorroak ikusaraziko dira.
65 urtetik gorako emakumeen oroitzapenak eta bizipenak erdiunean jarriko dauzan ekimena abiauko da Bermeon. Bermeon abiauko dan Bermeoko Emakumeen Memoria Bizia proiektuaren aurkezpen publikoa zezeilaren 5ean, eguenean, 18:00etan egingo da, Bermeoko Gizarte eta Kultura Etxean. Saioa edegia izango da, eta 65 urtetik gorako emakumeei zuzenduta dago.
