Skip to main content

Etiketa: udala

Muxikako EAJ-PNVk bat egiten du BI-635 errepideari buruzko auzo-kezkarekin

Written by Laura Valles on . Posted in Berriak, Gaurkoan, Gizartea, Herriak, Muxika, Nabarmendua, Politika.

EAJ-PNV alderdiak Muxikan adierazi du bat egiten duela herritarrek BI-635 errepidearen inguruan azaldu duten kezkarekin. Alderdi jeltzalearen arabera, trafiko intentsitate handiak eta bide-segurtasun arazoek zuzenean eragiten diete herritarren egunerokoari eta bizi-kalitateari.

Muxikako EAJ-PNVk gogorarazi du ez dela arazo berria, eta urteak daramatzatela mugikortasuna eta segurtasuna hobetzeko konponbideak lantzen, bai eskualde mailako plangintzan, bai erakunde ezberdinetan egindako proposamenen bidez.

Alderdiaren esanetan, BI-635 errepideak sortzen dituen arriskuek bereziki eragiten diete auzoen arteko loturei eta oinezkoen segurtasunari. Horregatik, beharrezkotzat jo dute administrazioen arteko lankidetza eta neurri eraginkorrak lehenbailehen martxan jartzea.

EAJ-PNVk nabarmendu du herritarren eskaerak entzuten jarraituko duela, eta mugikortasun jasangarriago eta seguruago baten alde lanean segituko duela.
ELA eta LAB sindikatuek EAEko udal langileen sektorean greba eta mobilizazio dinamika bateratua abiatu dute, EUDELi eta udaletan gobernatzen duten EAJ-PNV, EH Bildu eta PSE-EE alderdiei lan baldintzak “hemen eta orain” negoziatzeko exijitzeko.

Kirolbai _Oriol Cardona Coll-i eindako harrera urrezko domina lortu ostean

Written by Endika Becerril on . Posted in Kirolak, Nabarmendua.

Kirolbai programa honetan Espainiako selekzinoagaz urrea lortu dauen Oriol Cardona Gautegiz Arteagarrarekin aritu gara hizketan. Cardona Kataluniarra, Gironako probintzikoa dan arren, Banyolesekoa, Gautegiz Arteagan erroldatu da, hemen bizitzea erabaki baitu. Cardonak historia egin dau Espainiagaz. Hori dala eta, Gautegiz Arteagako alkatea dan Patrick Saituak eta herritar ezberdinek harrera egin deutsie herriko udaletxean Cardona losintxatuz eta txalokatuz. Gainera, galderak egiteko tartea be izan dabe. ostean , Cardonaren ibilbidea, nondik norakoak eta historikoa dan une honen sentzazioak ezagutu ahal izan doguz.

Mendatan etxebizitza eskuratzeko aukerak zabaltzen jarraitzen dabe

Written by Endika Becerril on . Posted in Berriak, Gaurkoan, Herriak, Mendata, Nabarmendua.

Ekimenaren helburua argia da: herrian bizitzeko aukerak handitzea eta, batez ere, gazteei bertan geratzeko eta etorkizuna eraikitzeko bidea ematea. Izan ere, esleipendunen artean profil anitzak daude, baina gazteen presentzia nabarmena da, eta gehienek eskualdearekin lotura dute.

Lehen fase honetan, hamar etxebizitza eraikiko dira, bakoitzak bere trastelekua eta aparkalekua izango dituela. Bi bloketan banatuta egongo dira, eta diseinuak irisgarritasuna, energia-eraginkortasuna eta bizigarritasuna izango ditu ardatz.

Proiektuak ibilbide luzea izan du. Duela bost urte hasi zen, Udalak lur-sailak erosi zituenean, eta ordutik hainbat urrats egin dira, hala nola saneamendu-lanak eta proiektu teknikoa garatzea. Gaur egun, egitasmoa birpartzelazio fasean dago, eta aurreikuspenen arabera, uda ostean hasiko dira obrak. Lanek urte eta erdi eta bi urte artean iraungo dute.

Mendatako alkateak adierazi du pozik dagoela proiektua aurrera doalako, eta nabarmendu du helburua dela herrian bizi-proiektuak garatzeko aukerak sortzea.

Ekimen honekin, Mendatak berretsi egiten du etxebizitza babestuaren aldeko apustua, herria bizirik mantentzeko eta belaunaldi berriei etorkizuna bertan eraikitzeko aukera emateko.

Oizmendi telebista
bizkaiko foru aldundia
txantxangorria euskara
Kokapena
Aita Luis Villasante Kalea, 7 behea
48300 Gernika-Lumo, Bizkaia
Kontaktua
Telefonoak: 946 25 49 65 - 946 25 49 63
Whatsapp: 615 78 41 78

Egin bat gure WhatsApp kanalarekin, eta edukirik onena jasoko duzu zure sakelekoan

Kanalera harpidetu
infosare
Oizmendi telebista
28kanala
gitb
tokikom