Skip to main content

Etiketa: lumo

Gernika-Lumoko ikuskizunez beteta dator Azaroko Kultur Agenda

IKUSKIZUNEZ BETETA DATOR AZAROKO KULTUR AGENDA
Kulturaren ikuspuntutik proposamenez beteta dator azaroa Gernika-Lumora. Arte eszenikoen alorrean, azaroaren 14an, zapatuan, arratsaldeko 19:00etan “Etxea” antzezlana izango dogu Lizeo Antzokian Amahiru taldearen eskutik. Azaroaren 20an arratsaldeko 18:00etan, Lizeo Antzokian be, Santa Zezilia eguneko kontzertua izango dogu Segundo Olaeta Musika Eskolaren eskutik; eta hilaren 28an, zapatuan, arratsaldeko 19:00etan Lizeo Antzokian “Argia” antzezlana izango dogu Dxusturi Teatroaren eskutik.
Familientzako ikuskizunak be izango dira protagonista hilaren zehar. Hasteko, azaroaren 8an, domekan, eguerdiko 12:30etan, Lizeo Antzokian “Pon Eta Pa” ikuskizuna izango da Bapatean Zirko taldearen eskutik. Gero, azaroaren 22an, 12:30etan Lizeo Antzokian be, “Tretatxu” antzerkiari ekingo deutsie Anita Maravillas taldekoek. azaroaren 25ean, Udal Liburutegian, arratsaldeko 17:30etan Berdintasun Tailerra izango da Zibu Zaburen eskutik eta azaroaren 27an leku eta ordu bardinean, Odei Arregi ipuin kontalaria izango da “Kamaleoiaren Azala” -gaz.
Azkenik, Lizeotekan, dokumental biren emonaldia izango dogu. azaroaren 6an, arratsaldeko 20:00etan, Sylvie Garat-en “GAL, En Nombre de la Razón de Estado” eta 20an, ordu bardinean, María Bestar-en “No Estás Loca”.

Hazitoki Topaketa jardunaldia ospatuko da domekan, Gernikako Merkatu plazan

Hazitoki elkarteak, beste urte batez, Hazitoki Topaketak jardunaldia antolatuko du Gernikako Merkatu plazan. Ekimen honen helburua da aniztasunari, inklusioari eta komunitatearen parte-hartzeari ikusgarritasuna ematea, zirkuaren eta arte eszenikoen bidez guztiontzako topagune bat sortuz.

Hazitoki proiektuaren oinarrian pertsona guztien parte-hartzea eta aukera berdintasuna daude. Horregatik, urtero antolatzen dugun jardunaldi honek aisialdi inklusiboa, kulturarako sarbidea eta komunitatearen arteko harremanak sustatzeko aukera eskaintzen du.

Egun osoan zehar, adin eta gaitasun ezberdinetako pertsonei zuzendutako hainbat jarduera egingo dira: zirku tailerrak, eskulanak, aurpegi margoketa, globoflexia, ikuskizunak, kalejira, zirku gala eta txokolatada, besteak beste.

Jarduera guztiak irekiak eta doakoak izango dira, eta horri esker, herritar orok izango du parte hartzeko aukera, bere egoera ekonomikoa edozein dela ere.

Gernika Modan Dago desfileak moda eta aisialdia batuko dauz, Gernika-Lumon

Gernika Moda Dago ekimenaren barruan, moda desfilea egingo da irailaren 25ean, barikuan, Pasilekuan. Arratsaldeko 16:30etik aurrera hainbat jarduera izango dira, eta 19:00etan hasiko da desfile nagusia. Aurten laugarren edizioa izango da.

Egitarauak umeentzako txokoa, Gernikako puntuz-puntuko erakusketa, Julio Veigaren piano on the rock kontzertua eta foodtruck-ak izango ditu. Arratsaldean zehar, gainera, 1.000 euroko bonuaren zozketa egingo da. Prentsaurrekoan Noelia Sernak, Gernikako Merkatari elkartuko presidenteak, egingo dena azaldud dau:

Kolaboratzaile gisa Gernikako Rugby Taldea eta Ross Dantza Eskola egiongo dira besteak beste. Aurten Gernika Rugby Taldekoak lehen aldiz modelatuko dabe. Herriko merkatritza bultzatzeko ekimen aproposa dala zehaztu dabe Gernika-Rugby Taldetik.

Desfilea 19:00etan hasiko da, eta bertan Gernikako merkataritza eta zerbitzuen sektoreko hainbat establezimenduk euren proposamenak erakutsiko dituzte. Aurkezpen ekitaldian ere bertan izango gara, eta bertatik ekimenaren eta desfilearen nondik norako guztiak kontatuko ditugu.

Horrela, Pasilekua modaren, merkataritzaren eta aisialdiaren topaleku bihurtuko da bariku arratsaldean.

Gernika-Lumoko Udalak herriko hainbat puntutan aurreikusitako asfaltatze-lanak amaitu dauz

Gernika-Lumoko Udalak herriko hainbat puntutan aurreikusitako asfaltatze-lanak amaitu dauz, zorua barritzeko eta ibilgailuen zein oinezkoen zirkulazino-baldintzak eta segurtasuna hobetzeko. Lanak Arane, Agirregane, Allende eta Kortezubi kaleetan burutu dira, eta orain Txorroburu, Lorategieta eta Carlos Gangoiti gehitu jakez.

Jarduera bide sarea manteniduteko udal planaren barruan dago eta 272.600 euroko inbersinoa izan dau. Obrei esker, denporaren joanaren, eguneroko trafikoaren eta baldintza meteorologikoen ondorioz higadura handiagoa eben eremuetan jardun ahal izan da.

Bide-zorua barritzeak aukera emoten dau kaleen bizitza erabilgarria luzatzeko eta udalerriko hainbat puntutan zirkulazino-baldintzak hobetzeko. Jarduerak, gainera, jarraipena emoten deutse aurreko urteetan egindako asfaltatze-kanpainei, bide-sarea manteniduteko udal-estrategiaren barruan.

Oizmendi telebista
bizkaiko foru aldundia
txantxangorria euskara

Egin bat gure WhatsApp kanalarekin, eta edukirik onena jasoko duzu zure sakelekoan