BBK Klima Parkean gastronomia, kirola eta jasangarritasuna uztartzen dabezan jarduerak egiten ari dira
BBK Klima Parkean “bertoko zaporeak eta kirola” jardunaldia egin dabe irailean, familian ohitura osasuntsuak sustetako. Gastronomia, kirola eta autozaintza uztartu dabez hainbat tailer, gastronomia-esperientzia eta euskal kirolariekin egindako topaketen bidez.
Jarduerak aurkezteko, Ainhoa Elortegi BBK Klimako ingurumen arduradunak egindako ekimenen barri emon dau, eta azaldu dau helburua dala familiak eta parkera hurbiltzen diran personak «bizi-ohiturak aldatzera» animetea, egunerokoan jasangarritasunagaz lotutako praktika barriak txertatuz.
Elortegik, gainera, urriaren 4an beste eskaintza bat izango dala aurreratu dau. “Hegaluzetik marmitakora” jardunaldia egingo dabe BBK Klima Abenturan, familia osoari zuzendutako egitarauagaz. Kontserba eta sushi tailerrak eta Bizkaiko hiru pintxo eta hiru txakolin dastatzeko aukera izango dira.
Parkerako sarrera doakoa izango da, baina jardueretan parte hartzeko aurrez erreserbau beharko da. Tailerrek eta dastaketek eukiera mugatua izango dabe, eta 5 eurotik gorako prezioa izango dabe.
