Hitzordu garrantzitsua izango da berriro ere IV.Serrats Aldapa Xtreme dala-ta
2023an sortu zen ekimen hau Bermeo, bere ingurunea eta bertako jendea ezagutarazteko helburuarekin. Hasieratik, ordea, kirol erronkaz harago joan nahi izan du, izaera solidarioa ere bere baitan hartuz. Lehen edizioan Eutsi Gogor Danok Batera elkartea lagundu zuten, eta azken urteetan ASPANOVAS minbizia duten haur eta familien aldeko elkarteari babesa ematen jarraitu dute.
Aurten ere, parte-hartzaileek Urdaibaiko paraje ikusgarriak zeharkatuko dituzte, elkartasunaren alde pedalak emanez. Antolatzaileek azaldu dutenez, bi ibilbide prestatu dituzte: bata laburragoa eta bestea luzeagoa, txirrindulariei Urdaibai beste ikuspegi batetik ezagutzeko aukera eskainiz. Ohiko bideetatik aldenduta, naturaz gozatzeko eta erronka fisikoari aurre egiteko aukera izango dute parte-hartzaileek.
