Etiketa: enpresa

Bizkaiko Ahaldun Nagusia RK Solutions enpresaren hedapen-plana ezagutzera hurbildu da

Written by Laura Valles on 2026-10-22. Posted in Berriak, Ekonomia, Gaurkoan, Gernika-Lumo, Herriak, Nabarmendua.

Elixabete Etxanobek eta John Pollockek Gernikatik hazten jarraitzeko apustua nabarmendu dute RK Solutionsen 20. urteurrenean

RK Solutions enpresa teknologikoak 3.500 bezero izatetik 60.000 izatera igaro nahi du datozen lau urteetan, eta 80 profesional inguruko lantaldea handitzen jarraitu nahi du, Gernika-Lumon duen egoitza nagusiari eutsiz.

Bizkaiko ahaldun nagusi Elixabete Etxanobek eta RK Solutions enpresako zuzendari nagusi John Pollockek Busturialdea-Urdaibain enplegu kualifikatua sortzearen eta eskualdean garapen teknologikoa sustatzearen garrantzia azpimarratu dute gaur, enpresak Gernika-Lumon duen egoitzara egindako bisitan. RK Solutionsen 20. urteurrenaren harira egindako topaketan, enpresak datozen lau urteetarako hazkunde-plana aurkeztu du: gaur egungo 3.500 bezeroetatik 60.000 bezero izatera iristea, eta horrekin batera, merkatuan duen presentzia eta lantaldea handitzea.

Busturialdeko XIII. Enpresa Ideia Lehiaketa martxan da

Written by Endika Becerril on 2026-10-08. Posted in Berriak, Busturialdea, Gaurkoan, Gizartea, Herriak, Nabarmendua.

Busturialdeko XIII. Enpresa Ideia Lehiaketa abiatu dute, eskualdean ekintzailetza eta negozio-ideia berriak sustatzeko helburuarekin. Lehiaketak 7.000 euroko saria izango du ideia irabazlearentzat.

Proposamenak aurkezteko epea 2026ko azaroaren 6an, 14:00etan amaituko da. Antolatzaileek eskualdeko ekintzaileak eta enpresa-proiektu berritzaileak dituzten pertsonak parte hartzera animatu dituzte.

Ekimenaren atzean daude Busturialdeko Gazteak, Bizkaiko Foru Aldundia, Urdaibaiko Ekonomia Sustatzeko eta Enpresa Garatzeko Zentroa (U-BAI) eta BBK, besteak beste.

Informazio gehiago eta izen-ematea Busturialdeko Gazteen webgunean eta 94 617 91 58, 94 627 02 15 eta 94 625 76 09 telefonoetan eskura daiteke.

Busturialdea Urdaibaiko Eskualdeko Plan Estrategikoa:Zelan sustauko da ikastetxeen eta enpresen arteko lankidetza proiektu praktikoetarako eta ezagutza transferiduteko?

Written by Laura Valles on 2026-08-20. Posted in Berriak, Busturialdea, Ekonomia, Elkarrizketak, Erreportajeak, Herriak, Nabarmendua, Politika.

Ikastetxeen eta enpresen arteko lankidetza proiektu praktikoetarako eta ezagutza transferiduteko sustapena nola egingo dan azaldu dau Inge Gorostiagak.