Nekazal azoka ospatu da Muxikan
Nekazal azoka ospatu da Muxikan
Etiketa: azoka
MENDATAKO XXVII. NEKAZAL AZOKA
Iraila hile aktiboa da Euskal Herriko azoka tradizionalentzat. Udako geldialdiaren ostean, nekazaritza, abeltzaintza eta artisautzako hitzorduak lurralde guztietara zabaltzen dira.
Eta urtero lez, iraileko bigarren domekan, Mendatak bere nekazaritza azoka tradizionala ospatu dau. Aurtengoa XXVII. edizinoa izan da, eta Euskal Oiloaren berreskurapenari eta erakusketeari eskaini jako.
Elexalde auzoan eta udal pilotalekuan, hogeita hamar bat postu inguruk bertako produkturik onenak ekarri dabez: sasoiko ortuariak, gazta, txakolina, ogia, eztia, pastelak eta Euskal Herriko gozo ezagunetako bat, pastel baltza.
Egun eguzkitsua izan da, eta jende ugari hurreratu da Mendatara iraileko azoka tipiko honetaz gozatzera. Baserritarrek eta artisauek euren produktuak erakutsi eta salgai jarri dabez, eta bisitariek aukera izan dabe bertako produktuak dastatu eta erosteko.
Azokearen protagonista nagusietako bat, barriz, Euskal Oiloa izan da. Azoka monografikoa 1997tik ospatzen da, bertako baserritarren sektorearen eta elkarte ezberdineen bultzadaz.
Euskal Oiloaren azoka monografiko honek bertoko arraza autoktonoa sustatzeko erakusleiho garrantzitsua izaten jarraitzen dau. Hazleen arteko hartu-emonak eta trukea bultzatzen dau, eta herritarrei aukera emoten deutse hegazti honeek gertutik ezagutu, ikusi eta, kasu batzuetan, eskuratzeko.
Mendatako Nekazal Azokaren 28. edizioa ospatu dabe joandako igandean, irailaren 13an
Joandako barikuan, irailaren 11an, Euskal Oiloaren Lagunen bigarren topaketa ospatu zan Mendatan eta asteburu berberan, domekan, Nekazal Azokaren 28. Edizinoa ospatu dabe mendatarrek. 41 postuk osotu dabe aurtengo azoka eta Joseba Mallea, Mendatako alkatearen esanetan, eguraldi ona lagun izan eben eta jente asko bertaratu zan. Beste alde batetik, postuetako saltzaileek nahiko ondo saldu dabela azpimarratu dabe.
Udaletik azaldu daben moduan be, aurtengo Txerriki Pintxo Solidarioa arrakastatxua izan da be. Pintxo solidaroa hau dastatu daben herritar eta bisitari guztiei esker Mendatako herritar gaztetxo batek dauen Perthes gaixotasuna ikertzeko 1900 euro lortu ziran.
Gaitz hau gaixotasun arraroa da eta hazteko adinean dagozan haurren aldakaren artikulazinoari eragiten deutso.
Oiloen Lagunen bigarren topaketa eta Nekazal Azoka asteburu honetan Mendatan
Bariku honetan, irailaren 11an, arratsaldeko 19:30etan, Euskal Oiloaren Lagunen bigarren topaketa ospatuko da Mendatako Artape Jatetxean, Eoalak Elkartearen eskutik. Euskal oiloen arrautzak eta bertoko txakolina dastatzeko aukera izango dabe bertaratzen diranak.
Horrez gan, domekan, irailaren 13an, goizeko 9: 30etatik aurrera, Nekazal azokaren 38. edizinoa ospatuko dabe mendatarrek. Bertan, euskal oiloaren erakusketa eta salmentaz gan, hainbat produktu erosteko aukera izango dabe bertaratzen diranek.
Beste alde batetik, Mendatako Udaletik azpimarratu daben moduan, Basques In Australia erakusketa izango da ikusgai Elizoste Etxean datorren domeka honetara arte. Sarrera doakoa da.
Ardoa eta makaioa izango dira protagonista Azoka Berezi honetan
Beste behin, Gernika-Lumoko herriak, Merkatu Plazan hileko lehen zapaturo egiten dan lez, Azoka Berezia ospatuko da, oraingoan ardoa eta makaioa protagonista hartunda. Bestelako produktu eta lan ezberdinak be egngo direla jakinarazi dabe Gernika-Lumoko Udaletik.
Berton Azoka
Bi egunez, herriko komertzioek kalera atera dabez euren produktu eta zerbitzuak, eskaintza bereziak, erakustaldiak eta publiko guztiarentzako jarduerak eskainiz. Gastrogunea, txikigunea eta hainbat ekintza be izan dira azokaren osogarri, giro aparta sortuz.
Erreportaje honetan, Berton Azokako protagonistak eta antolatzaileak hurbildu jakuz azokaren benetako esanahia azaltzera. Hareen esanetan, ekimenaren helburu nagusia Bermeoko merkataritza indartzea eta herritarrak tokiko establezimentuetan erostearen garrantziaz sentsibilizatzea da.
Parte-hartzaileek azpimarratu dabe Bermeoko komertzioek kalidadezko eskaintza zabala dabela, eta Berton Azoka aukera parebakoa dala urte osoan egiten daben lana herritarrei gerturatzeko eta bezeroekin harreman zuzena sendotzeko.
Antolatzaileek be nabarmendu dabe azoka ez dala salmenta gune hutsa. Herria biziberritzeko, tokiko ekonomia sustetako eta merkatarien arteko alkarlana indartzeko tresna be bada. Horregaitik, Bermeorentzat hain garrantzitsua dan hitzordua dala azpimarratu dabe, bertako merkataritzari balioa emoten deutsolako eta herrian sortzen dan aberastasuna bertan gera dedin laguntzen dauelako.
Bi egunetan zehar, herritar eta bisitari ugari hurbildu dira azokara, eta giro bikainak erakutsi dau Berton Azoka erreferente bihurtu dala Bermeoko egutegian. Antolatzaileen balorazinoa oso positiboa izan da, eta dagoeneko hurrengo edizinoari begira lanean hasteko gogoz agertu dira.
GAUTEGIZ-ARTEAGAKO III. AZOKA
GAUTEGIZ-ARTEAGAKO III. AZOKA
Zapatu honetan, ekainaren 13an, goizeko 11:00etatik aurrera Gautegiz Arteagako III. Azoka ospatu dabe herriko plazan. Inguruko hainbat ekoizleren produktuak ezagutzeko eta erosteko aukera izan dabe bertaratzen diranek eta, horrez gan, eguerditik aurrera Herri Kirol erakustaldiagaz gozetako aukera izan dabe be.
