Skip to main content

Etiketa: Auzotarrei Begira

Espezie inbaditzaileei aurre egiteko programa integrala

Urdaibai zaintzea eta auzotarrei ingurune naturala babesten laguntzea da Bizkaiko Foru Aldundiak martxan jarri dauan plan barriaren helburuetako bat. Espezie inbaditzaileei aurre egiteko programa integrala da, eta 5,14 milioi euroko inbertsinoa izango dau 2029ra arte.

Jarduketa nagusiak Oka ibaiaren estuarioan, paduretan eta duna-sistemetan egingo dira, Urdaibaiko Itsasertzak eta Padurak Kontserzazino Bereziko Eremuaren barruan. Guztira, 430 hektarea inguruko eremua aztertuko da, eta udan egindako lehen kartografiaren arabera, espezie exotiko inbaditzaileak 130 hektareatan dagoz gaur egun.

Arazo nagusia Baccharis halimifolia da, 93 hektarea ingurutan zabalduta dagoana. Cortaderia selloana edo panpa-lezka, barriz, beste 19 hektareatan dago. Horrez gain, beste espezie batzuei be helduko jake, besteak beste, onagra, sasiakazia, ailantoa edo milazka bezalakoei.

46 aterpe klimatiko, herritarrak bero tenperatura gogorrak daudenean babesteko

Auzotarrei Begira Programa hoentan Udalak hile hasieran aurkeztu ebazan espazio irisgarri, fresko eta hurbilak definiduten dauzan prozesu parte-hartzailearen ondorioak ezagutuko doguz. Izan be, Elai Alai Aretora hurbildutako adituek adierazi ebenaren arabera, herrian 46 aterpe klimatiko daude, herritarrak bero temperatura gogorrak daudenean babesteko.

Herrietako azoken azpiegiturak berritzeko 500.000 euroko laguntzak

Auzotarrei begira programa honetan Bizkaiko Foru Aldundiak abian ipini duen janari-azoken azpiegiturak berritzeko laguntzak arautuko dituen foru dekretuaren proiektuaren aurreko kontsulta publikoaren izapideari buruz arituko gara.

Izan be, dirulaguntzen helburuak izango dira udalek janariak lantzen eta prestatzen dituzten baserritarrentzako espazioak konpontzea eta horietan inbertsioak egitea. Programaren aurrekontua milioi erdi eurokoa izango da.

Arrakala Digitala murrizteko tailerrak, Bermeon

Bermeoko Udaletik eta Secot-etik adierazi dabenaren arabera, ekimena Herriz Herri programaren barruan kokatzen da eta sozial positiboko proiektuak lantzeko helburua daukate. Urriaren 20an eta 22an egin dira tailer hauek eta Oizmendi bertan izan da. Parte-hartzaileek smartphoneen oinarrizko erabilerak ikasi dabez.

Oizmendi telebista
bizkaiko foru aldundia
txantxangorria euskara

Egin bat gure WhatsApp kanalarekin, eta edukirik onena jasoko duzu zure sakelekoan