Gernika Sariek Global Sumud ontzidi humanitarioa eta Armenia zein Azerbaijanen arteko bake akordioa sarituko dabez
XXI. edizinoa jorrailaren 26an ospatuko da Lizeo Antzokian, 1937ko bonbardaketaren urteurrenean, eta Gazako ekintza zibila eta Kaukasoko alkarrizketa politikoa nabarmenduko dauz. Gernika-Lumoko alkateak, José María Gorroñok, sari hauen esanahia azpimarratu dau indarkeriaren oroimenak markadutako uri batean. “Gernikak gerraren izugarrikeria sinbolizatzen dau, baina baita bakea memoriatik eta alkarrizketatik eraikitzeko beharra be”, azaldu dau.
