Kortezubi Bideko parke estali barriak ateak zabalduko dauz zapatu honetan

Kortezubi Bideko haurrentzako parke estali barria amaituta dago, eta inaugurazino ekitaldia irailaren 26an, zapatuan, 12:30ean egingo da. Jolasgunea Kortezubi Bidea eta Aita Luis Villasante kaleen arteko plazan dago, eta ekitaldia Gernika-Lumoko Udalak antolatu dau.

Jarduketak haur-parkea barritu eta handitzeko aukerea emon dau, eta 300 metro koadroko estalgi zeharrargitsua jarri da, umeak euritik babesteko. Estalgiak argitasun naturala mantentzen dau eta, aldi berean, jolasgunea inguruko plazatik isolatu barik eusten deutso.

Proiektuak lehendik egozan elementu batzuk mantendu eta adin desbardinetako umeentzat pentsautako jolas barriak gehitu dauz. Besteak beste, kolunpio bat, egurrezko etxetxo bat, kai-joko bat, bi plazako kulunka tubularra eta txirrista bat izango ditu parke barriak.

Jarduketaren helburua inguruko familiei jolasgune irisgarriagoa, seguruagoa eta eguraldi txarretik babestuagoa eskaintzea da, plazaren erabilera be indartuz, auzokideen arteko topaleku eta bizikidetza-gune moduan.

Guztira, 367.756,11 euroko inbersinoa egin dau Udalak parke barria egokitzeko.

Inaugurazino ekitaldia irailaren 26an, zapatuan, 12:30ean izango da, eta herritarrak parke barriaren irekieran parte hartzera gonbidatuta dagoz.