Udalak Mendozako Guernica horma-irudia zaharberritzen lagunduko dau
Gernika-Lumoko Udalak Argentinako Mendoza hirian dagoen Picassoren Guernica koadroaren tamaina errealeko horma-irudiaren zaharberritzea lagunduko du. La Gloria auzoaren sarreran dagoen murala duela 18 urte margotu zuten, eta urte hauetan zehar indarkeriaren eta narkotrafikoaren aurrean auzokideen erresistentziaren ikur bihurtu da.
Datorren irailean egingo diren zaharberritze lanek ez dute soilik horma-irudiaren irudia berreskuratzea izango helburu. Proiektuak jatorrizko izaera komunitarioari eutsiko dio, auzoko bizilagunek eta herri-liburutegiak ere parte hartuko baitute lanetan.
Gernika-Lumoko Udalaren esanetan, ekimen honek bonbardaketa jasan zuen Gernikaren eta Guernica koadroa bere borrokaren sinbolo bihurtu duen Argentinako komunitate baten arteko lotura indartzen du.
Gainera, horma-irudiaren historiak Manu Chao musikariarekin ere lotura du. Izan ere, artistak ongintzazko kontzertu bat eskaini zuen muralaren aurrean, auzoari ikusgarritasuna emateko eta proiektua babesteko.
