Badator Rock N’ Band ikuskizunaren 15. edizioa
Datorren ekainaren 19an, San Juan Ibarrako jaien barruan, Rock N’ Band ikuskizunaren 15. edizinoa ospatuko da Segundo Olaeta Banda Sinfonikoa osotzen daben 50 musikari, Rock Konboak eta eskolako hainbat abeslariren eskutik; Ross dantza eskola, Elai Alai Dantzari Taldea eta Swingtxakun lagunekin indarrak batuz eta auzoko jaiak girotuz.
Bertaratzen diran ikusleek errepertorio zabal eta anitzaz disfrutatzeko aukera izango dabe, LA RAIZ taldearen Entre poetas y presos edo ANTONIO FLORES handiaren No Dudaría interpretauz. Rock gordina be eskeiniko da bertan, GUN ‘S and ROSES, IRON MAIDEN, OZZY OSBOURNE edo NIRVANAtik pasatuz. Nazinorteko mainstreamera begira ipiniko dira be, Koreako K-POP taldearen Golden famatua zuzenean jotzen edo Eurovision festibaletik urtendako Euphoria abesti elektronikoa berrasmatuz. ABBA talde suediarraren kanta arrakastatsuenak be jo eta dantzatuko dabez.
Eta Euskal Herriko Rock talde emonkorrenak sorturiko kantu ikonikoak adituko dira be, ezinbestekoak diran KALAKAN taldearen Sagarra Jo, LA POLLA RECORDSen Ellos Dicen Mierda edo No somos nada eta KEN 7 taldearen Zapalduen Olerkia pieza erraldoia sinfonismoz beterik aurkeztuta.
