Erreka garbiketarako ekimena burutuko dabe datorren ekainaren 14an Gernika-Lumon
Datorren ekainaren 14an, domekan, erreka garbiketarako ekimenari ekingo deutsie Gernika-Lumon. Bertaratu gura dabenek goizeko 10:00etan dabe hitzordua Idigako aparkalekuan. Ihobek koordinaduta eta Eusko Jaurlaritzak sustatzen dauen erreka garbiketa hau Gernika-Lumoko Udalak antolatzen dau. Halaber, Let ‘s Clean Up Europe kanpainaren barne kokatzen da Gernika-Lumoko garbiketa hau. Ekimen honen helburua hondakinek eta legez kanpoko isurketek kutsatutako naturguneak garbitzea da eta ikastetxeak, enpresak, udalak eta, oro har, gizartea aktiboki inplikatzea bilatzen dau.
