Nik Gernikan 2026 sarien VI. edizinoa dator
Merkataritza txikerra barriz be Gernika-Lumoko bizitza ekonomiko eta sozialaren erdiunean dago. Udaleko Merkataritza arloak Nik Gernikan 2026 Sarien VI. edizinoaren deialdia edegi dau. Sari horreek foru-herriaren jarduerari eta nortasunari eusten deutsien merkataritza- eta ostalaritza-establezimenduen lana aintzatesteko sortu ziran.
Deialdiak lau sari aurreikusten dauz, bakotxa 1.000 eurokoa, guztira 4.000 euro. Aintzatespenek ibilpide komerziala, merkataritza barritzailea eta merkataritza barria, auzoko merkataritza eta ostalaritza bereiziko dabez.
