Bizkaiko IX. Koktelgintza Txapelketa ospatu da Gernika-Lumoko San Juan Ibarra plazan
Bizkaiko Bartenderraren klubak antolatuta IX. koktelgintza txapelketa probintziala ospatu dute Gernika-Lumoko San Juan Ibarra plazan Gernika-Lumoko Udala eta Basati tabernaren laguntzarekin.
Jardunaldiak Bizkaiko bartender onenen selekzino bat bildu eban, zeinek euren talentua, sormena eta teknika erakutsi eben kategori bitan lehiatuz 2026ko Koktelgintzako Txapelketa Nazionalean euren lekua lortzeko.
Maila klasikoan, irabazlea Alex Martinez izan zan, Markel Escudero geratu zan bigarren eta Ariadna Alonso hirugarren; eta, Flair kategorian, hau da koktelgintza akrobatikoaren mailan, Diego Coretti izan zen irabazlea, Renzo Gutierrez bigarrena eta Orscar Jimenez hirugarrena. Horrela, Alex Martinez, Markel Escudero eta Diego Coretti Koktelgintzako Txapelketa Nazionalerako sailkatuta geratu ziran.
Aldi berean, probintziako koktel-lehiaketagaz batera, Gin Tonic txapelketa ireki bat egin zan. Txapelketa horren txapelduna Santanderreko Borja Gutierrez izan zan; eta eskualde arteko koktel-txapelketan, Errioxako, Kantabriako eta Kataluniako bartenderrek parte hartu eben eta Torrelavegako Alejandro Merinok irabazi eban.
