Isidro deunaren eguna ospatuko dabe bariku honetan
Maiatzak 15 Isidro deuna eguna da eta ohiturari jarraituz meza ospatuko dabe Lumoko eleizan. Bertan, Gernika-Lumoko herritarrak, Lumotarrak eta udal ordezkariak alkartuko dira beste behin baserritar eta nekazarien zaindaria dan santuaren eguna ospatzeko. Holan, mezaren ostean, santua eleizatik kanpora aterako dabe ohikoa dan prosezioari ekiteko.
Beste alde batetik, Mendatako Udaletik azaldu daben moduan, egun horretan be meza ospatuko dabe San Isidroren omenez eguerdiko 13:00etan eta ostean pintxoak jateko aukera izango dabe.
Gautegiz Arteagan be egun hau ospatuko dabe meza bategaz, goizeko 11:00etan, eta ostean hamaiketakoa.
