Eskolarteko Dantzari Eguna ospatuko dabe domeka honetan Gernika-Lumon
Domeka honetan, maiatzak 10, Gernika-Lumoko Eskolarteko Dantzari egunaren edizino barri bat ospatuko da San Kristobaleko aparkalekuan. Eguraldi txarra egiten badau, Merkatu Plazan burutuko da ekitaldia. Goizeko 11:00etan kalejira hasiko da Pasealekuan eta, ostean, 11:30etan dantza erakustaldia. Egitaraua honako dantza honeek osotuko dabe:
Agintariena, ezpata joko txikia, makil jokoa I, makil jokoa II, txulalai, zapatain dantza, San Petrike, Gipuzkoako makil txikia, euzko dantza, arku-dantza, zinta-dantza, fandangoa, arin-arina eta amaitzeko, Behe Nafarroako martxa.
