2026.urteko Gernikako bonbardaketaren 89.urteurreneko Memoria demokratikoaren Lekua izeneko eskulturaren inaugurazioa

Gernika-Lumoko herriak 1937ko bonbardaketaren 89. urteurrena oroitu du aurten ere, memoria, bakea eta justiziaren aldeko mezu argiarekin. Apirilaren 26an egin diren ekitaldien artean, berritasun nagusiena “Memoria Demokratikoaren Lekua” izeneko eskultura berriaren inaugurazioa izan da, lau metroko monumentua dana eta bakearen ate sinbolikoa irudikatzen dauena. Herrigunean kokatu dabe, lehen bonba erori zen gunetik gertu.

Ekitaldian parte hartu dabenak Jose Maria Gorroño alkatea, Fernando Martínez Memoria Demokratikoko Estatu idazkaria, Gogorako ordezkariek eta bonbardaketatik bizirik atera ziren Kruzita Etxabe eta Mari Carmen Agirre emakumeak izan dira. Azken hauek moztu dabe zinta, biktimen ordezkari gisa. Alkateak azpimarratu dau memoria demokratikoa ez dala iraganari begiratzea bakarrik, baizik eta etorkizunari begira gizarte justuago bat eraikitzeko konpromisoa.