Bermeoko Udalak udazkeneko egitarau feminista aurkeztu dau
Urritik abendura bitartean, hainbat jarduera egingo dituzte, besteak beste, autonomia, osasuna, kontsumo-ohiturak eta literatura lantzeko.
Urriaren 17an, Ahalduntzerako Gune Feminista sortzeko asanblada irekia egingo dute, herritarren ekarpenak jasotzeko.
Programazioaren barruan, brikolaje ikastaroa, ehungintza birziklatzeko tailerra eta menopausiari buruzko saioak ere egingo dituzte. Horrez gain, Irakurle Txoko Feministaren hiru saio antolatu dituzte.
Plazak mugatuak dira, eta Bermeon erroldatutakoek izango dute lehentasuna. Informazioa eta izen-emateak Berdintasun Sailean egin daitezke, berdintasuna@bermeo.eus helbidean edo 688 63 84 49 telefonoan.
