Gernika-Lumoko Jaiek doako geldiadiak izango dabez, emakumeek eskatuta, segurtasun dispositiboaren parte gisa
Aurten be, Gernika-Lumoko jaiek doako garraioa eta geldialdiak izango dabez, emakumeek eskatuta, segurtasun dispositiboaren parte gisa.
Udalak prebentzino-neurriak indartu dauz jaietan, doako gaueko autobusekin, emakumeek eskatutako geltokiekin eta indarkeria matxistaren aurkako informazino-gunakaz. Gernika-Lumoko Udalak bere gan hartzen dau persona guztiek jaietan parte hartzea eta gozetea bermatzeko konpromisoa, edozein dala be hareen generoa, jatorria, adina edo egoera. Doako garraio publikoa eta indarkeria matxistaren aurkako sentsibilizazio ekintzak uztartzen dauzan gaueko dispositibo baten bidez egingo dau.
Plana Lurgorriko jaietan, abuztuaren 11n, eta Andra Mari eta San Rokeko patronaletan zabalduko da, abuztuaren 14tik 17ra bitartean. Bidebusaren gaueko zerbitzuak urteerak izango dauz orduro 23:00etatik 06:00etara. Lurgorriko jaietan, ibilpideak Intermodala eta Santa Luzia lotuko dauz. Herriko jaietan, ibilpideak udalerriko auzo eta gune neuralgikoak beteko dauz: autobus geltokian, ospitalean, Lorategietan, Errenterian, Los Tillos, Villa Argentina, Seber Altube, Allende Salazar, hilerria, Iturriondo, Mestikabaso, Araba eta Lurgorri geltokiekin. Neurri azpimarragarrienetako bat eskariaren araberako lanbakoak izateko aukera da; batez be goizaldean bakarrik itzultzen diran emakumeentzat pentsaua. Erabiltzaileek beren bizilekutik edo azken helmugatik ahalik eta gertuen uzteko eskatu ahal izango deutsie gidariari, beti be ibilpidearen barruan eta zirkulazinorako baldintza seguruetan. Ekimenak gauez oinez egiten diran joan-etorriak murriztea eta etxera itzultzea kezkatzeko errazoi ez bihurtzea dau helburu.
Dispositiboak helburu bikotxa dau: festa-gauetan ibilgailu pribaduaren erabilera murriztea eta emakumeek espazio publikoan parte-hartze handiagoa izan daien sustetea, bardintasunean eta bildurrik barik. Garraio segurua zerbitzu praktikotzat ez ezik, jaiegunetan bizikidetza indartzeko tresnatzat be hartzen da hemen. Aldi berean, Bardintasun sailak indarkeria matxistaren kontrako informazino guneak jarriko ditu. Santa Luzia parkean (Lurgorri jaiak) eta pasealekuan (Andra Mari eta San Roke jaiak) dagozan agiriko karpak izango dira, 23:00etatik 06:00etara edegiak. Beraz helburuak, herritarrak indarkeria sexisten inguruan sentsibilizatzea eta egoera ahulean egon daitezkeen emakumeei informazinoa eta baliabideak eskaintzea dala esan dabe. Entzuteko, laguntzeko eta erantzuteko be balioko dau espazioak. Udalak aisialdi-guneetan genero-ikuspegia txertatzeko azken urteetan garatu dauen lan-ildoaren barruan kokatzen da gailua. Jai edegiak, irisgarriak eta partekatuak. Gainera, nabarmendu behar da Udalak protokolo bat dauela jaiguneetan eraso matxistei aurre egiteko. Tokiko hainbat eragilegaz alkarlanean egindako dokumentuak udalerrian gerta daitezkeen indarkeria matxistako kasuen aurrean koordinetako eta jarraipena egiteko mekanismoak ezartzen dauz.
