Urdaibai Bird Centerreko boluntarioen taldea nagusi Gautegiz Arteagako tortilla txapelketan
Joandako abuztuaren 29an, Gautegiz Arteagako Antolin Deunaren jaien barne, Tabernazarre eguna ospatu dabe ohitura bihurtu dan tortilla txapelketagaz. 12:00etan izena emon, eta berehala hasi ziran patatak zuritzen arteagarrak. 14:00etan tortillak aurkezteko unea heldu zan eta ostean sari banaketari ekin eutsien. Aurtengo irabazlea Urdaibai Bird Centerreko boluntarioen taldea izan da. Urtero hartzen dau Urdaibai Bird Centerrek boluntario talde bat udan eta jai egun honetaz gozetako Zelaiederreko parkera urreratzen dira eta tortilla txapelketan parte hartzen dabe; aurtengo kasuan, Murciako, Granadako, Alemaniako, Irlandako, Madrileko eta Euskal Herriko kideek osotu dabe talde hau.
