BBK-k Klima Abenturaren denboraldi barria aurkeztu dau
Klima Abenturak denporaldi barria estreinauko dau, artea, zientzia, natura eta dibersinoa uztartzen dauzan proposamen zabal bategaz, hezkuntza klimatikoa bultzatzen jarraitzeko. 2026an, Urdaibaiko Biosfera Erreserbako parke esperientzialak instalazino barriak, euki eguneratuak, ugerlekuen barrirekiera eta familiak planetarekiko konpromisoan aurrera egitera konbidatzen dauzan narratiba biltzen dauzan edizino bat aurkezten dau.
Klima Abenturaren denporaldi barria jolasa, ikaskuntza eta emozinoa konbinetan dabezan instalazinoekin batera dator, jasangarritasuna adin guztietara hurbiltzeko. Espazio bakotxa jakin-mina bizteko, gogoeta sustetako eta bisita esperientzia gogoangarri bihurtzeko diseinatuta dago, non ohituren aldaketa lehen personan bizitzen dan.
Denporaldi honetan, Klima Abenturak agirian uzten dau Diwoak ahultzen dauzan mehatxua: eguneroko erabagi inkontzienteek sortutako ingurumen-aztarna. Horri aurre egiteko, parkeak eskaner bat dau. Eskaner horren bidez, bisitari bakotxak planetaren gainean dauen eragina ezagutuko dau ibilpidea aukeratu (ura, energia, elikadura edo moda) eta Lurrari oreka itzuliko deutsien erronkak gainditu aurretik.
2026ko programazinoa jasangarritasuna, sormena eta lurraldea lotzen dabezan proposamenez beteta dator, eta BBK Klimara egiten dan bisita bakotxa aisialdiaz harago doan esperientzia bihurtzen dau.
Klima Abenturarako sarrera doakoa da 0-2 urte bitarteko haurrentzat, eta 3-5 urte bitarteko haurrek parkeaz gozetako aukera izango dabe euro baten truke. 6-12 urteko eta 13-17 urteko tarteetarako, prezioa 5 eurokoa da, eta 18-64 urteko helduentzat, 6 eurokoa. 65 urtetik gorakoek 5 euroko tarifa murriztua dabe.
Taldeentzat, parkeak % 5eko deskontu automatikoak apliketan dauz 10 eta 19 persona arteko taldeentzat, % 10ekoa 20 eta 29 persona arteko taldeentzat eta % 15ekoa 30 edo gehiagoko taldeentzat. Aisialdiko alkarte eta taldeek tarifa bereziak dabez: euro 1 3 eta 5 urte bitarteko haurrentzat eta 4 euro 6 urtetik gorakoentzat, begirale eta guzti doan. Tarifa horreek klima@bbk.eus-ren bidez soilik erreserbauz lortzen dira.
Klima Abenturak hainbat hilebetez edegiko dauz bere ateak, eta familiek, ikastetxeek eta adin guztietako bisitariek esperientziaz gozau ahal izango dabe urteko hainbat unetan. Ekainean, zapatu eta igandeetan egongo da zabalik parkea, 11:00etatik 19:30era; uztailean, barriz, jarduera zabaldu egingo dau, eguaztenetik barikura, 10:00etatik 18:30era, eta asteburuetan, 11:00etatik 19:30era. Abuztuan, jente gehien biltzen dan hilebeteetako batean, parkea eguaztenetik domekara egongo da zabalik, 11:00etatik 19:30era. Irailean, asteburuetako ordutegiari ekingo deutso barriro, 11:00etatik 19:30era, eta, urrian, zapatu eta igandeetan be edegiko dau, 10:30etik 19:00etara doitutako ordutegiagaz.
