I. Duatloi Txikia Gernika-Lumon
Maiatzean, Bost urteko etenaldiaren ostean, Urdaitri Triatloi Taldeak barriro antolatu dau Duatloi Txikia. Taldearen 25. urteurrenagaz batera berreskuratu dabe ekimena, eta lehen edizino honetako erantzunak argi itxi dau baegoala halako hitzordu baten beharra.
240 haur inguru alkartu dira Bekoibarren, baina parte-hartzaile kopurutik harago, antolatzaileentzat garrantzitsuena beste zeozer izan da: gaztetxoei triatloia gerturatzea eta kirol honen balioak transmititzea.
Horregaitik, lehia bigarren mailan geratu da. Egun osoan zehar giro ona, kirola eta parte-hartzea izan dira protagonista, eta helmugan ez da irabazlerik ez galtzailerik egon. Haur guztiek jaso dabe saria, helburua esperientziaz gozetea izan baita.
Lau adin-mailatan banatutako probek aukera emon deutsee haurrei korrika eta bizikleta uztartzen dauzan diziplina hau ezagutzeko, bakotxaren adinera egokitutako ibilpidakaz. Gainera, Gernika-Lumoko eta Busturialdeko umeez gan, Bizkaiko beste hainbat triatloi taldetako gazteak be batu dira hitzordura.
Urdaitrik badaki etorkizuna harrobian dagoala. Horregaitik, formakuntza mailako lana funtsezkotzat dabe, eta horixe izan da Duatloi Txikiaren benetako xedea: kirol ohitura osasungarriak sustetea, triatloia ezagutaraztea eta gaztetxoengan zaletasuna biztea.
Peio Ortizek azalduko dau orain zergaitik erabagi daben Duatloi Txikia berreskuratzea, zer balorazino egiten daben aurtengo edizinoaz eta zein helburu dauzan Urdaitrik datozen urteetara begira.
