Urbietako Zubia

Milioi erdi euro baino gehiagoko inbersinoagaz, egiturak iroko egurra eta kaltzaidua dauz, aide zabalaren aurrean segurtasuna eta iraunkortasuna hobetzeko.

Urbietako oinezkoentzako pasabide barria datorren martitzenean edegiko da, 12:00etan. Holan, Udalak azpiegitura hori berreregiteko lanak amaitu dauz, funtsezkoa baita Santa Anako aparkalekua eta inguruko kirol-instalazioak lotzeko. Obrak 577.609,80 euroko kostua izan dau, proiektuaren idazketa eta zuzendaritza barne, eta material erresistenteagoak eta jasangarriagoak izango dauzan plataforma barri bat aurrefabrikatu eta muntatu da.

Pasabideak 174 metro karratu baino apur bat gehiago dauz, eta jatorrizko L formako trazari eusten deutso, baina hobekuntza tekniko garrantzitsuak dauz iraunkortasuna bermatzeko. Egitura barria iroko eta kaltzaiduzko egurrez eraikita dago ia osorik. Diseinuaren barruan, “Babes-larruazala” dago, goiko estalgi batek eta alboko lamek osatua, eta euriagazko eta hezetasunagazko esposizinoa murrizten dabe, pasabide zaharra higatzen lagundu eben faktoreetako bat.

Gainera, zuraren erresistentzia naturala hobetzeko lan egin da, moltsoaren bizitza erabilgarria luzatzeko. Jarduera hori segurtasun-irizpideei erantzuteaz gan, uri-ingurunea hobetzeko eta oinezkoen mobikortasuna sustetako estrategia zabalago baten parte da. Esku-hartzeak aukera emoten dau inguruko kirol-ekipamenduetako bizilagunentzako eta erabiltzaileentzako funtsezko pasabide bat berrezartzeko, oinezkoen joan-etorri handiko puntu batean. Pasabidea barriro edegitzeak bizilagunek espero eben obra bat ixtea dakar, eta uriko funtsezko bi guneren arteko lotura indartzen dau. Egitura barriak funtzinonaltasuna, integrazino estetikoa eta jasangarritasuna uztartzen dauz.

OIZMENDI TELEBISTA.