Gizon bat hil da Bermeon traktorea irauli ostean
Gizon bat hil da asteazken honetan Bermeon, traktorearekin izandako istripu baten ondorioz. Ezbeharra goiz erdian gertatu da, Mañu inguruan.
Oraindik ez dira istripuaren nondik norako guztiak argitu. Traktorea irauli egin da eta, ondorioz, gizona harrapatuta geratu da.
Larrialdi-zerbitzuak bertaratu dira, baina ezin izan dute ezer egin haren bizia salbatzeko. Agintariak istripuaren arrazoiak ikertzen ari dira.
