Luis Iriondo V.Margo Lehiaketa egin da herrian
Gernika-Lumok beste behin artez bete ditu bere kaleak, Luis Iriondoren oroimenez urtero antolatzen den Margo Lehiaketaren eskutik. Egun osoan zehar, hainbat margolari aritu dira herriko txoko eta gune esanguratsuenak mihisean jasotzen, bakoitzak bere estilo eta ikuspegitik.
Parte-hartzaileek oleoz zein akrilikoz egindako lanak aurkeztu dituzte, eta aurten ere maila handiko obrak ikusi ahal izan dira. Horien artean, Urdaibaiko hainbat artista ere izan dira, eskualdeko talentua erakutsiz.
Lanak amaitu ostean, sari banaketa ekitaldia egin da. Cristina Arana Kultur Etxeko zuzendariak banatu ditu sariak, Iñaki Gorroño alkateordearen eta Jon Lejarraga zinegotziaren laguntzarekin.
Lehiaketa honek Luis Iriondoren oroimena bizirik mantentzeaz gain, urtero Gernika-Lumo artearen topagune bihurtzen du, herriko ondarea eta paisaiak margolarien begiradaren bidez balioan jarriz.
