Bizkaiko Foru Aldundiak indartsuago lagunduko dio Euskadiko First Lego Leagueri
Bizkaiko Foru Aldundiak bere konpromisoa berresten du talentu zientifiko-teknologikoa garatzeko bidean; hori dela eta, Euskadiko FIRST LEGO Leagueri bere babesa ematen dio, erreferentziazko hezkuntza-programa bat delako, STEM bokazioak sustatzen dituelako, eta gazte-gaztetatik laguntzen duelako belaunaldi berriak prestatzen lan-merkatuak jartzen dituen erronketarako.
Bada hamarkada luze bat Bizkaia ekimen horren laguntzaile estrategikoa denetik. Aurten 17. edizioa egingo du, eta bi egoitza izango ditu Bizkaian lehendabiziko aldiz. Horrela, gure lurraldean ere indartsua izango da nazioarteko irismena daukan programa hori.
