Andra Mari Elizak uda honetan edegiko dauz ateak
Ekimenaren helburua, Gernikako historiaren pasarte garrantzitsuenetako batzuen lekuko izan dan ondarea publikoari hurreratzea da, eta, garrantzitsua izan arren, oraindino be ez da oso ezaguna herritarren artean.
Bisita errazteko, Turismo Bulegoak 5.000 interpretazino-liburuxka argitaratu dauz euskeraz, gaztelaniaz, ingelesez eta frantsesez. Material horri esker, ibilpide autonomoa egin daiteke tenpluaren barrukaldean, eta elementu arkitektoniko eta artistiko nagusien historia, esanahia eta bitxikeriak ezagutu daitekez.
