Urbietara doan egurrezko zubia ordeztu egingo da hainbat hamarkadatako higaduraren ondoren
Gaur egungo egitura pasabide seguru eta iraunkor barri batek ordezkatuko dau.
Gernika eta Lumoko Urbietagaz lotzen dauen egurrezko zubia ordezkatu egingo da, hainbat hamarkadatako joan-etorri biziaren ondoren. Egungo egiturak higadura nabarmena eta behin-behineko konponketak dauzka, eta 30 urtez baino gehiagoz jasan dau araztegi periferikoetako lohi likidoz betetako kamioi astunak egunero pasetea.
Hiru hamarkada baino gehiagoren ondoren, Udalak erabat ordezkatzea erabagi dau. Obraren aurrekontua 297.951,73 eurokoa da, eta 7 hilebeteko iraupena izango dau. Oinezkoentzako, txirrindularientzako eta ibilgailuentzako pasabide seguruagoa ahalbidetuko dau. “Daukagun zubiak ez deutse erantzuten gure herritarrek eskatzen dituen segurtasun eta iraunkortasun eskakizunei”, adierazo eban José María Gorroño alkateak.
