BFAk Ibilbide Historikoak programaren edizio berezia aurkeztu dau, Foru Barriaren 500.urteurrena ospatzeko
Bizkaiko Foru Aldundiak Ibilbide Historikoak programaren edizino berezia aurkeztu dau Gernika-Lumoko Euskal Herria Museoan, Bizkaiko Foru Barriaren 500. urteurrena ospatzeko.
Leixuri Arrizabalaga Euskara, Kultura eta Kirol diputatuak azaldu dau ibilbideek aukera emongo dabela foruen garrantzia eta Bizkaiko autogobernuaren sustraiak hobeto ezagutzeko. Ana Otadui Bizkaiko Batzar Nagusietako lehendakariak, barriz, nabarmendu dau ekimena ez dala bisita-programa hutsa, baizik eta herritarrei Bizkaiko historiaren funtsezko pasarte bat hurbiltzeko tresnea.
Egitarauak hiru ibilbide gidatu eskainiko ditu uztailean eta irailean: Durangaldea, Enkarterri eta Zin Bidea. Autobusez eta oinez egingo diren bisitetan Gernikako, Gerediagako eta Abellanedako batzar-etxeak eta foruen historiari lotutako beste hainbat leku ezagutzeko aukera izango da.
Ibilbideek ondarea, historia eta paisaia uztartuko ditue, eta parte hartu gura dabenek erreserbak egin ahal izango ditue www.ibilbidehistorikoak.eus webgunean.
