Sua egon da Muxikako zerrategi batean
Muxikako zerrategi batean sutea piztu da ostegun honetan, goizaldeko 04:10ak aldera. Suaren intentsitatearen ondorioz, errepideko eta trenbideko trafikoa hiru orduz etenda egon da.
Larrialdi-zerbitzuek 07:00ak aldera sua kontrolatzea lortu dute, eta trafikoa berriro zabaldu da. Ez da inor zauritu. Hala ere, suhiltzaile talde bat bertan geratu da, sugarrak berriro pizteko arriskua dela eta. Sutearen arrazoiak oraindik ezezagunak dira.
